Kon Hende ta Diskriminá

No ta straño ku mi ta konfia esun ku

ta parsemi i ta papia manera mi mas

ku hende ku ta kompletamente otro.

Pasobra si mi no ta konfia esun ku por

tabata mi ruman ohochi, nan lo pensa

ku tin motibu pa deskonfiami tambe.

Semehansia ta hasi kontakto i desaroyo

entre hende mas fasil i esei ta un di

e motibunan pakiko nos sa diskriminá:

ta diskriminashon ku ta disparsé ora

logra komprendé i apresiá loke ta otro

for di loke nos ta kustumá kuné.

Pero tin diskriminashon a base di

menospresio i ideología eróneo ku ta

klasifiká otro tipo komo inferior.

Ta mentalidat ku mester kombatí

ku forsa, pa esnan ku ta pensa asina

no logra pone nos diskriminá nos mes.

Recovered from an email whose subject identified it as a Papiamentu poem sent by Dwight Isebia for review.