Kandela di Envidia

Tin forsa ku na kuminsamentu,

sin ku ambiente ripará,

por ta kenta kos ketu ketu

te ora e bira bisto komo vlam,

pega djis un taki na kandela

despues mondi na vlandam,

pa keda kima i kousa pena

Ta e kandela di envidia,

forsa destruktor den amistat, famia,

sosiedat i kompania

ku ta hasi ravazj den mente,

hasta dirigí akshon di hende,

Si no logra domin’é,

e ta krese, bira monstruo

ku ta tuma mas i mas kuminda

te ora e kaba ku su mes,

pasobra ya no a keda mas pa kima

Revision edited by Lucille Haseth-Berry.